ଚାନ୍ଦବାଲି୨୨/୦୩: କ୍ୟାମେରାମ୍ୟାନ୍ ମାନସ ସ୍ଵାଇଁ ହତ୍ୟା ଘଟଣାରେ ଗୋଟିଏ ପରେ ଗୋଟିଏ ଖିଅ ବାହାର କରୁଛି ପୋଲିସ । ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଓ୍ବେବ୍ ପୋର୍ଟାଲ ମାଲିକାଣୀ ଶର୍ମିଷ୍ଠା ରାଉତ ଫେରାର ଅଛି । ତେବେ ଚାନ୍ଦବାଲି ପୋଲିସ ଏବେ ତାର ଭାଇ ନରମେଶ୍ଵରକୁ ଗିରଫ କରିଥିବା ଜଣାପଡିଛି । ମାନସ ହତ୍ୟାକାଣ୍ଡ ଘଟଣାରେ ଶର୍ମିଷ୍ଠାକୁ ଫେରାର କରାଇବାରେ ପରମେଶ୍ଵର ସହାୟତା କରିଥିବା ପୋଲିସ ସୂଚନା ପାଇବା ପରେ ଗିରଫ କରିଥିବା ସୂଚନା ମିଳିଛି । ଏହି ହତ୍ୟାକାଣ୍ଡର ମୁଖ୍ୟ ଷଡଯନ୍ତ୍ରକାରୀ ନିରଞ୍ଜନ ସେଠୀ, ରଞ୍ଜନ ନାୟକଙ୍କ ସହିତ ପୂର୍ବରୁ ୩ଜଣଙ୍କୁ ଗିରଫ କରାଯାଇଛି। ସେମାନଙ୍କ ପାଖରୁ ଏହି ହତ୍ୟାକାଣ୍ଡ ସମ୍ପର୍କରେ ବିସ୍ତୃତ ତଥ୍ୟ ସଂଗ୍ରହ କରିଛି ପୋଲିସ। ପ୍ରାଥମିକ ତଦନ୍ତ ବେଳେ ଶର୍ମିଷ୍ଠାଙ୍କୁ ୨ ଥର ଡାକି ପଚରାଉଚରା କରାଯାଇଥିଲା ।ତେବେ ସେତେବେଳେ ପ୍ରମାଣ ଅଭାବରୁ ଶର୍ମିଷ୍ଠାକୁ ଛାଡିଦେଇଥିଲା ପୋଲିସ । ଏବେ କିନ୍ତୁ ସେ ଫେରାର୍ । ହତ୍ୟାକାଣ୍ଡର କିଙ୍ଗପିନ୍ ଶର୍ମିଷ୍ଠା ରାଉତକୁ ଧରିବାକୁ ଉଦ୍ୟମ ଜାରି ରଖିଛି ଭଦ୍ରକ ପୋଲିସର ସ୍ପେସାଲ ସ୍କ୍ବାଡ୍ । ଭଦ୍ରକ ପୋଲିସର ୪ ଟିମ୍ ରାଜ୍ୟ ବାହାରକୁ ଯାଇଛନ୍ତି । ଦୁଇଟି ଟିମ୍ ବିଜୟୱାଡା ଓ ବିଜୟନଗରମ ଠାରେ ସର୍ଚ୍ଚ କରୁଥିବା ସୂତ୍ର ଅନୁଯାୟୀ ସୂଚନା ମିଳିଛି ।
