ପୁଣି ଛୋଟ ପରଦାରେ ଆସୁଛି ‘କ୍ୟୁଁକି ଶାଶ୍‌ ଭି କଭି ବୋହୂ ଥି’

ମୁମ୍ବାଇ, ୧୫/୦୨: ଦୀର୍ଘ ଦୁଇ ଦଶନ୍ଧି ପରେ ଆସନ୍ତା ଫେବୃଆରୀ ୧୬ ତାରିଖରୁ ବିଶିଷ୍ଠ ନିର୍ଦ୍ଦେଶକ-ନିର୍ମାତା ଏକତା କପୁରଙ୍କ ଚର୍ଚ୍ଚିତ ତଥା ଲୋକପ୍ରିୟ ଟିଭି ଧାରାବାହିକ ‘କ୍ୟୁଁକି ଶାଶ୍‌ ଭି କଭି ବୋହୂ ଥି’ ପୁଣି ଥରେ ଛୋଟ ପରଦାରେ ଆସିବାକୁ ଯାଉଛି । ଏକତା ତାଙ୍କ ଇନଷ୍ଟାଗ୍ରାମରେ ସେହି ଧାରାବାହିକର ଏକ ଦୃଶ୍ୟ ସେୟାର କରିଛନ୍ତି ଯେଉଁଥିରେ ତୁଳସୀ ଚରିତ୍ରରେ ଅଭିନୟ କରିଥିବା ଶ୍ରୀମତୀ ସ୍ମୃତି ଇରାନୀ ଦର୍ଶକଙ୍କୁ ତାଙ୍କ ଘରେ ସ୍ୱାଗତ କରୁଥିବାର ଦେଖାଯାଉଛି । ପ୍ରକାଶ ଥାଉ କି, କ୍ୟୁଁକି ଶାଶ୍‌ ଭି କଭି ବୋହୂ ଥି ଏକଦା ଭାରତୀୟ ଟେଲିଭିଜନ ଦୁନିଆରେ ଚହଳ ସୃଷ୍ଟି କରିଥିଲା ।