ସୋମବାର ଏକାଦଶୀ ପାଇଁ ଶ୍ରୀମନ୍ଦିରରେ ଶମ୍ଭୁ ଏକାଦଶୀ

ପୁରୀ,୧୪/୦୩: ଆଜି ଶ୍ରୀମନ୍ଦିରରେ ଅନୁଷ୍ଠିତ ହେବ ଶମ୍ଭୁ ଏକାଦଶୀ ପର୍ବ । ହର-ହରିଙ୍କୁ ଏକତ୍ର ପୂଜାର୍ଚ୍ଚନା କରାଯିବାର ଏହା ହେଉଛି ଅନନ୍ୟ ପରମ୍ପରା । ସୋମବାର ଏକାଦଶୀ ପଡ଼ିଲେ ଶ୍ରୀମନ୍ଦିରରେ ପାଳିତ ହୁଏ ଶମ୍ଭୁ ଏକାଦଶୀ ନୀତି । ଶ୍ରୀମନ୍ଦିରରୁ ଭଣ୍ଡାର ଲୋକନାଥ ସେବକଙ୍କ ଗହଣରେ ଯାଇ ବାବା ଶ୍ରୀଲୋକନାଥଙ୍କ ମନ୍ଦିରରେ ବିଜେ ହୁଅନ୍ତି । ପରେ ମହାପ୍ରଭୁଙ୍କ ଚଳନ୍ତି ପ୍ରତିମା ମଦନମୋହନ ଶ୍ରୀଲୋକନାଥଙ୍କ ମନ୍ଦିରରେ ବିଜେ ହୋଇଥାନ୍ତି । ପ୍ରଭୁ ଲୋକନାଥଙ୍କ ମନ୍ଦିରରେ ଶ୍ରୀଲୋକନାଥ ଓ ଶ୍ରୀଜଗନ୍ନାଥଙ୍କ ପୂଜା ବିଧି ସମ୍ପନ୍ନ ହୋଇଥାଏ । କିନ୍ତୁ ପ୍ରାୟ ୪୦ ବର୍ଷ ହେଲା ଏହି ଅନନ୍ୟ ପରମ୍ପରା ବନ୍ଦ ହୋଇଯାଇଛି । ମହାପ୍ରଭୁ ଯାଉନାହାନ୍ତି ବାବା ଲୋକନାଥଙ୍କ ମନ୍ଦିରକୁ। ଶ୍ରୀମନ୍ଦିରରେ ହରିହର ଭେଟ କରି ଶମ୍ଭୁ ଏକାଦଶୀ ନୀତି ତୁଲାଯାଉଛି ।