୨୧ ଠାରୁ ବିନା କୋଭିଡ଼୍ ସାର୍ଟିଫିକେଟରେ ମହାପ୍ରଭୁଙ୍କୁ ଦର୍ଶନ କରିପାରିବେ ଭକ୍ତ

ପୁରୀ, ୧୪।୨: ରାଜ୍ୟରେ ଧିରେ ଧିରେ କରୋନା ସଂକ୍ରମଣ ହ୍ରାସ ପାଉଥିବା ବେଳେ ପୁରୀ ଶ୍ରୀ ମନ୍ଦିର ପାଇଁ କୋହଳ ହୋଇଛି କରୋନା କଟକଣା ।   ଆସନ୍ତା ଫେବୃଆରୀ ୨୧ ଠାରୁ ବିନା କୋଭିଡ଼୍ ସାର୍ଟିଫିକେଟରେ ଶ୍ରୀ ମନ୍ଦିରରେ ପ୍ରବେଶ କରି ମହାପ୍ରଭୁଙ୍କୁ ଦର୍ଶନ କରିପାରିବେ ଭକ୍ତ । ଅଧିକାଂଶ ଲୋକ ଡ଼ବଲ ଡ଼ୋଜ୍ ଟିକା ନେଇ ସାରିଥିବାରୁ ଏପରି ଭାବେ ନିଷ୍ପତି ହୋଇଛି । କିନ୍ତୁ ମାସ୍କ ପିନ୍ଧି ମନ୍ଦିର ଭିତରକୁ ପ୍ରବେଶ କରିବା ବାଧ୍ୟତାମୂଳକ ।ଏନେଇ ଛତିଶା ନିଯୋଗରେ ବୈଠକ ପରେ ଶ୍ରୀ ମନ୍ଦିର ମୁଖ୍ୟ ପ୍ରଶାସନ କ୍ରୀଷ୍ଣନ କୁମାର  ଏହି ସୁଚନା ଦେଇଛନ୍ତି ।