ନୂଆଦିଲ୍ଳୀ ୨୭।୦୪ : ୨୦୨୨ ମସିହାରେ ଏନଆଇଟି ପାଟନା ପୁଣି ଥରେ ରେକର୍ଡ କରିଛି । ଫେସ୍ବୁକ୍, ଗୁଗୁଲ୍ ପରେ ବର୍ତ୍ତମାନ ସିଏସ୍ଇ ବ୍ରାଞ୍ଚର ଛାତ୍ର ଅଭିଷେକ କୁମାରଙ୍କୁ ଆମାଜନ ୧.୦୮ କୋଟିର ପ୍ୟାକେଜର ଅଫର ଦେଇଛି । ଆମାଜନ ପ୍ରଥମ ଥର ପାଇଁ ଜଣେ ଛାତ୍ରଙ୍କୁ ଏନଆଇଟି ପାଟନାରୁ ଆନ୍ତର୍ଜାତୀୟ ସ୍ତର ଭାବରେ ଚୟନ କରିଛି । ୨୧ ଏପ୍ରିଲ୍ରେ ଆମାଜନ୍ ପାଇଁ ଅଭିଷେକ ଏକ କୋଡିଂ ପରୀକ୍ଷା ଦେଇଥିଲେ । ଯାହା ତିନି ରାଉଣ୍ଡର ଇଣ୍ଟରଭ୍ୟୁ ଚାଲିଥିଲା । ଶେଷରେ ଜର୍ମାନୀ ଆମାଜନରୁ ଅଭିଷେକ୍ଙ୍କୁ କଲ ଆସିଥିଲା । କୁହାଯାଇଥିଲା କି ତାଙ୍କୁ ଚୟନ କରାଯାଇଛି । ଯାହା ପରେ ଅଭିଷେକ ଏବଂ ତାଙ୍କ ପରିବାର ସଦସ୍ୟଙ୍କର ଖୁସିର ସୀମା ରହି ନଥିଲା। ବର୍ତ୍ତମାନ ସମସ୍ତେ ଅଭିଷେକଙ୍କୁ ଶୁଭେଚ୍ଛା ପଠାଇବାରେ ଲାଗିଛନ୍ତି । ଅଭଷେକଙ୍କ ବାପା ଓକିଲ୍ ଥିବା ବେଳେ ମାଆ ଗୃହୀଣି ଅଟନ୍ତି । ଏହି ସଫଳତାକୁ ନେଇ ଅଭିଷେକ କହିଛନ୍ତି କି – ପୂର୍ବରୁ ତାଙ୍କୁ ପେଟିଏମ୍ ପାଇଁ ୧୬ ଲକ୍ଷ ଟଙ୍କାର ଅଫର ଆସିଥିଲା । ହେଲେ ମୁଁ ସେଥିରେ ଜଏନ୍ କରିନଥିଲି । ଯଦି ମୁଁ ପେଟିଏମ୍ରେ ହଁ ଭରି ଦେଇଥାନ୍ତି ବୋଧ ହୁଏ ଏତେ ବଡ ସପଳତା ହାସଲ କରି ପାରି ନଥାନ୍ତି । ଅଭିଷେକଙ୍କ ଏହି ସଫଳତା ପାଇଁ ବାପା-ମାଆ ଦୁହେଁ ପୁଅ ଉପରେ ବହୁତ ଗର୍ବ ଅନୁଭବ କରୁଛନ୍ତି । ଚଳିତ ବର୍ଷ ସେପ୍ଟେମ୍ବରରେ ଅଭିଷେକ ଜର୍ମାନୀର ବର୍ଲିନ ଯାଇକି ଅଫିସ୍ରେ ଜଏନ୍ କରିବେ । ଅନ୍ୟପଟେ ପୂର୍ବରୁ ସର୍ବାଧିକ ପ୍ୟାକେଜ୍ରେ ଇଲୋକ୍ଟ୍ରୋନିକ୍ସ ଓ କମ୍ୟୁନିକେସନର ଅଦିତି ତିୱାରୀଙ୍କୁ ଫେସ୍ବୁକ୍ ବାର୍ଷିକ ବେତନ ହିସାବରେ ୧.୬ କୋଟିର ଅଫର ଦେଇଥିଲା । ହେଲେ ଆଦିତିଙ୍କ ପୂର୍ବରୁ ପାଟନାର ସମ୍ପ୍ରିତି ଯାଦବକୁ ଗୁଗୁଲ୍ ୧.୧ କୋଟିର ପ୍ୟାକେଜ୍ ଅଫର କରିଥିଲା । ହେଲେ ଚଳିତ ବର୍ଷ ଏନ୍ଆଇଟି ପ୍ଲେସ୍ମେଣ୍ଟରେ ରେକର୍ଡ ଭାଙ୍ଗିଛି ।
