କେନ୍ଦ୍ରାପଡ଼ା ୦୫/୦୩ : କେନ୍ଦ୍ରାପଡ଼ା ଜିଲ୍ଲା ମହାକାଳପଡ଼ା ଥାନା ଅନ୍ତର୍ଗତ ବବକର ପୁର ଗାଁ ରେ ଗୁଳିକାଣ୍ଡ ଘଟିଛି। ଏଥିରେ ଗୋଟିଏ ପରିବାର ର ଜଣଙ୍କର ମୃତ୍ୟୁ ହୋଇଥିବା ବେଳେ ଦୁଇଜଣ ଙ୍କ ଅବସ୍ଥା ଗୁରୁତର ଅଛି। ଦୁର୍ବୃତ୍ତ ମାନେ ଘରେ ପଶି ଗୁଳିମାଡ଼ କରିଛନ୍ତି ।ଘଟଣା ସ୍ଥଳରେ ସ୍ୱାମୀ ମୃତ ସ୍ତ୍ରୀ ପୁଅ ଗୁରୁ୍ତର। ତିନିଜଣ ଦୁର୍ବୃତ୍ତ ଏଭଳି କାଣ୍ଡ ଭିଆଇଛନ୍ତି । ଦୁଇ ଜଣ ଦୁର୍ବୃତ୍ତଙ୍କୁ ଗ୍ରାମବାସୀ କାବୁ କରିଛନ୍ତି । ମୃତ ବ୍ୟକ୍ତି ଅବସରପ୍ରାପ୍ତ କେନ୍ଦ୍ରାପଡା ବ୍ଲକ କର୍ମଚାରୀ ଅରବିନ୍ଦ ମିଶ୍ର। ତାଙ୍କ ସ୍ତ୍ରୀ ମିନତୀ ମିଶ୍ର ଓ ପୁଅ ଗୁରୁତର ଅବସ୍ଥାରେ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାଳୟ ରେ ଭର୍ତ୍ତି ହୋଇଛନ୍ତି। ମିଳିଥିବା ସୂଚନା ଅନୁଯାୟୀ ଅପରାହ୍ନ ପ୍ରାୟ ୩ ଟା ବେଳେ ୩ ଜଣ ଦୁର୍ବୃତ୍ତ ବାଇକ ଯୋଗେ ଆସି ଅରବିନ୍ଦଙ୍କୁ ଘରୁ ଡାକି ଥିଲେ। କେହି ଡାକୁ ଥିବାର ଶୁଣି ପଦାକୁ ଆସିବା କ୍ଷଣି ଦୁର୍ବୃତ୍ତମାନେ ତାଙ୍କ ଉପରକୁ ଅତର୍କିତ ଗୁଳି ଚଳାଇ ଥିଲେ। ତେବେ ପାଟି ତୁଣ୍ଡ ଶୁଣି ଅରବିନ୍ଦ ଙ୍କ ସ୍ତ୍ରୀ ଓ ପୁଅ ପଦାକୁ ଆସିବା ରୁ ସେମାନଙ୍କ ଉପରକୁ ମଧ୍ୟ ଦୁର୍ବୃତ୍ତ ଗୁଳି ବର୍ଷଣ କରିଥିଲେ। ଏଥିରେ ଅରବିନ୍ଦ ଙ୍କ ପେଟ, ଛାତି ଓ ତଳିପେଟ ରେ ୩ ଗୁଳି ବାଜିଛି। ଘଟଣା ସ୍ଥଳରେ ଅରବିନ୍ଦ ଟଳି ପଡିଥିଲେ। ଅନ୍ୟ ପକ୍ଷରେ ଗୁଳିମାଡ କରି ଫେରାର ହୋଇଯାଉଥିବା ବେଳେ ଗ୍ରାମବାସୀ ୨ ଜଣ ଦୁର୍ବୃତ୍ତ ଙ୍କୁ କାବୁ କରି ନେଇଛନ୍ତି। ଜଣେ ଫେରାର ହୋଇ ଯାଇଛି। ଧରା ପଡିଥିବା୨ ଜଣ ଦୁର୍ବୁର୍ତ୍ତ ଙ୍କୁ ମହାକାଳପଡ଼ା ପୋଲିସ ନିଜ ହେପାଜତ କୁ ନେଇଛି। ଗୁଳିମାଡର କାରଣ ଜଣା ପଡି ନାହିଁ।
