ପୁରୀ: ଶ୍ରୀମନ୍ଦିର ଓ ଶ୍ରୀଜଗନ୍ନାଥଙ୍କ ମହିମା, ଚେତନା, ତତ୍ତ୍ବ ଓ ସଂସ୍କୃତି ସାରା ବିଶ୍ବରେ ପ୍ରଚାର ଓ ପ୍ରସାର କରିବାପାଇଁ ଜିଲ୍ଲାପାଳଙ୍କ ଅଧ୍ୟକ୍ଷତାରେ ସୋମବାର ଦିନ ଏକ ଅନୌପଚାରିକ ବୈଠକ ଶ୍ରୀଜଗନ୍ନାଥ ସଂସ୍କୃତି ଗବେଷକମାନଙ୍କ ସହ ଅନୁଷ୍ଠିତ ହୋଇଥିଲା। ଏଥିରେ ଗବେଷକମାନେ ଆଲୋକ ଓ ଶବ୍ଦ (ଲାଇଟ ଆଣ୍ଡ ସାଉଣ୍ଡ), ଶ୍ରୀଜଗନ୍ନାଥ ଙ୍କ ଆଧାରିତ ପୁସ୍ତକକୁ ଵିଭିନ୍ନ ଭାଷାରେ ଅନୁବାଦ, ସୂଚନା କେନ୍ଦ୍ରର ଅବସ୍ଥତି ଇତ୍ୟାଦି ସହ ଅନେକ ବିଷୟରେ ଆଲୋଚନା କରିଥିଲେ।
