ନୂଆପଡା, ୦୮/୦୪: ରାଜ୍ୟ ସରକାର ମୁଖ୍ୟମନ୍ତ୍ରୀ ବାୟୁ ସ୍ୱାସ୍ଥ୍ୟ ସେବା ଯୋଜନା ନୂଆପଡ଼ାରେ ଆରମ୍ଭ ହୋଇଛି। ଶୁକ୍ରବାର ୭ ଜଣ ସୁପର ସ୍ପେସାଲିଷ୍ଟ ଡାକ୍ତର ନୂଆପଡ଼ା ଜିଲ୍ଲା ମୁଖ୍ୟ ଡାକ୍ତରଖାନାରେ ପହଞ୍ଚିଛନ୍ତି। ଏହି ଡାକ୍ତର ଟିମରେ କାର୍ଡିଓଲୋଜି ବିଭାଗର ଡାକ୍ତର ଡାକ୍ତର ଦୀପକ ରଞ୍ଜନ ଦାସ, ଆନିସ୍ଥସିଆଲୋଜି ଡା. ଦେବାଶିଷ ସ୍ବାଇ, ନ୍ୟୁରୋଲୋଜି ବିଭାଗର ଡା, କାଳିପ୍ରସନ୍ନ ସ୍ବାଇଁ, ଗ୍ୟାଷ୍ଟ୍ରଏନଟ୍ରେଲୋଜି ବିଭାଗର ଡା. ପ୍ରଶାନ୍ତ କୁମାର ପରିଡ଼ା, ନେଫ୍ରୋଲୋଜି ବିଭାଗର ଡାକ୍ତର ଶରତ କୁମାର ପରିଡ଼ା, ଭୁବନେଶ୍ୱର ବିଜୁ ପଟ୍ଟନାୟକ ବିମାନବନ୍ଦରରୁ ବିମାନରେ ନୂଆପଡ଼ା ଗୌତମା ବିମାନଘାଟିରେ ଆଜି ପୂର୍ବାହ୍ନ ୮ଟା୫୦ ରେ ନୂଆପଡ଼ାରେ ପହଞ୍ଚିଛନ୍ତି। ଆଜି ନୂଆପଡ଼ା ଜିଲ୍ଲାରେ ପ୍ରଥମ କରି ମୁଖ୍ୟମନ୍ତ୍ରୀ ବାୟୁ ସ୍ୱାସ୍ଥ୍ୟ ସେବା ଯୋଜନା ଆରମ୍ଭ ହୋଇଛି । ରାଜ୍ୟର ୪ ଆଦିବାସୀ ବହୁଳ ଜିଲ୍ଲାରେ ସ୍ୱାସ୍ଥ୍ୟ ଭିତିଭୂମି ଓ ଚିକିତ୍ସାକୁ ନେଇ ଅନେକ ପ୍ରଶ୍ନ ରହିଥିବା ବେଳେ ମାଲକାନଗିରି, ନବରଙ୍ଗପୁର, କଳାହାଣ୍ଡି ଓ କନ୍ଧମାଳ ଭଳି ଆଦିବାସୀ ଅଧ୍ୟୁଷିତ ଅଞ୍ଚଳରେ ସ୍ୱାସ୍ଥ୍ୟ ସେବା ଯୋଗାଇବା ପାଇଁ ଏହି ଯୋଜନା ଆରମ୍ଭ କରାଯାଇଛି । ତେବେ ଗତବର୍ଷ ପ୍ରଥମ ଥର ମାଲକାନାଗିରିରେ ଏହି ସେବା ଆରମ୍ଭ କରାଯାଇଥିଲା । ଆଉ ଆଜି ନୂଆପଡ଼ାରେ ଆରମ୍ଭ ହୋଇଛି । ତେବେ ନୂଆପଡ଼ାକୁ ଆଜି ୭ ଜଣ ସୁପାର ସ୍ପେସାଲିଟି ଡାକ୍ତର ଗସ୍ତ କରି ରୋଗୀ ମାନଙ୍କ ଚିକିତ୍ସା କରିବା ପାଇଁ । ମାନେ ୮ଓ ୯ ତାରିଖ ଦ୍ବଇ ଦିନ ନୂଆପଡ଼ା ଡାକ୍ତରଖାନାରେ ୧୭୫ ଜଣ ରୋଗୀଙ୍କ ଚିକିତ୍ସା କରି ଫେରିଯିବାର କାର୍ଯ୍ୟକ୍ରମ ରହିଛି। ଏହି କାର୍ଯ୍ୟକ୍ରମରେ ନୂଆପଡ଼ା ଡିଓଏମଓ, ଡିପିଏମଓ, ଡାକ୍ତରଖାନାର ମ୍ୟାନେଜର ଓ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ। ଆବଶ୍ୟକ ପଡିଲେ ଏହି ଯୋଜନାରେ ୪ ଜିଲ୍ଲାର ରୋଗୀ ମାନଙ୍କୁ ଏୟାର ଲିଫ୍ଟ କରାଯାଇ ଆବଶ୍ୟକୀୟ ଓ ଉନ୍ନତ ସ୍ୱାସ୍ଥ୍ୟ ସେବା ଯୋଗାଇ ଦିଆଯିବ ଏହି ଯୋଜନା ଅଧୀନରେ
