ଚଣ୍ଡିଗଡ଼,୧୬/୩ : ପଞ୍ଜାବ ସମେତ ପାଞ୍ଚଟି ରାଜ୍ୟରେ ଅନୁଷ୍ଠିତ ବିଧାନସଭା ନିର୍ବାଚନରେ କଂଗ୍ରେସ ଶୋଚନୀୟ ଭାବେ ପରାଜିତ ହୋଇଛି । ପରାଜୟ ପରେ କଂଗ୍ରେସର ଅଧ୍ୟକ୍ଷା ସୋନିଆ ଗାନ୍ଧୀ ପାଞ୍ଚଟି ରାଜ୍ୟର କଂଗ୍ରେସ ମୁଖିଆଙ୍କ ଇସ୍ତଫା ଦାବି କରିଥିଲେ । ଏଭଳି ସ୍ଥିତିରେ ପଞ୍ଜାବ ପ୍ରଦେଶ କଂଗ୍ରେସ କମିଟିର ସଭାପତି ନବଜୋତ ସିଂ ସିଦ୍ଧୁ ବୁଧବାର ଦିନ ନିଜ ପଦରୁ ଇସ୍ତଫା ଦେଇଛନ୍ତି । ଇସ୍ତାଫା ପତ୍ରରେ ମାତ୍ର ପାଞ୍ଚଟି ଶବ୍ଦ ଲେଖିଛନ୍ତି ସିଦ୍ଧୁ । I Hairby Resign as President (PPCC) । ଏହାର ଅର୍ଥ ହେଉଛି କଂଗ୍ରେସ କମିଟିର ସଭାପତି ପଦରୁ ଇସ୍ତଫା ଦେଉଛି । ଏହା ପରେ ସିଦ୍ଧୁ ତାଙ୍କ ଇସ୍ତଫା ପତ୍ର ଦଳର ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ନିକଟକୁ ପଠାଇଥିବା ଟ୍ୱିଟ୍ କରି କହିଛନ୍ତି।
