ପିପିଲିରେ ରାଜନୈତିକ ହିଂସା, ପୁରୀ-ଭୁବନେଶ୍ଵର ରାସ୍ତା ଅବରୋଧ

ପିପିଲି,୧୪/୨ : ପିପିଲିରେ ରାଜନୈତିକ ହିଂସା ଦେଖିବାକୁ ମିଳିଛି । ପ୍ରଚାର ବେଳେ ଜଣେ ବିଜେଡ଼ି ୨୪ ନମ୍ବର ଜିଲ୍ଲା ପରିଷଦ ପ୍ରାର୍ଥୀ ଧରଣୀଧର ସ୍ଵାଇଁଙ୍କୁ ଆକ୍ରମଣ ହୋଇଥିବାର ଜଣାପଡିଛି । ନିର୍ବାଚନକୁ ନେଇ ଗାଁ ଗାଁ ମଧ୍ୟରେ ଗଣ୍ଡଗୋଳ ହେବାରୁ ପୁରୀ-ଭୁବନେଶ୍ଵର ତେଇଶିପୁରଠାରେ ରାଜରାସ୍ତା ଅବରୋଧ କରାଯାଇଛି । ଫଳରେ ରାସ୍ତାରେ ଶହ ଶହ ଗାଡ଼ି ଅଟକି ରହିଛି । ଆଜି ପୋଡାଙ୍ଗଠାରେ ଜଣେ ବିଜେପି ପ୍ରାର୍ଥୀଙ୍କୁ ହୋଇଥିବା ଆକ୍ରମଣ ପରେ ପୋଟଳ ଗାଁଠାରେ ଶ୍ରୀ ସ୍ଵାଇଁଙ୍କୁ ବିଜେପି ସମର୍ଥକମାନେ ଆକ୍ରମଣ କରିଥିବା ଅଭିଯୋଗ ହୋଇଛି । ଏହା ପରେ ବିଜେଡ଼ି କର୍ମୀମାନେ ରାସ୍ତାରୋକ କରିଥିବା ଜଣାଯାଇଛି ।