ପୁରୀ ଆକାଶରେ ଚୀନ ଟ୍ୟାଗ୍ ପାରା

ପୁରୀ,୨ା୨: ପୁରୀ ଜିଲାର ଡ଼େଲାଙ୍ଗ ଆକାଶରେ ଚୀନ ଦେଶର ଟ୍ୟାଗ୍ ହୋଇଥିବା ଏକ ପାରାକୁ ଉଦ୍ଧାର କରାଯାଇଛି । ଡ଼େଲାଙ୍ଗ ଅଳଉତା ଗ୍ରାମର ବିନ୍ନୟ ମହାରଣା ଏହି ପାରାକୁ ଉଦ୍ଧାର କରି ନିଜ ଘରେ ରଖିଥିଲେ । ହେଲେ ଏହି ଘଟଣା ଜଣାପଡ଼ିବା ପରେ ପରିବେଶବିତ୍ ବିଶ୍ୱଜିତ୍ ପରିଡ଼ା ଏବଂ ମିଟୁ କିଶୋର ପ୍ରଧାନ ଖୋର୍ଦ୍ଧା ବନଖଣ୍ଡ ଅଧିକାରୀଙ୍କୁ ଅବଗତ କରି ପାରାକୁ ବନ କର୍ମଚାରୀଙ୍କୁ ହସ୍ତାନ୍ତର କରାଯାଇଛି । ପାରାଟି ଚୀନ ଦେଶରୁ ଆସିଛି ନାଁ ତାଗୋଡ଼ରେ ଚୀନ ଟ୍ୟାଗ୍ କେହି ମାରିଛନ୍ତି । ତାହା ଉପରେ ବନ କର୍ମଚାରୀ ତଦନ୍ତ ଆରଭ କରିଛନ୍ତି । ପାରାଟିକୁ ଦେଖିବାକୁ ସାଧାରଣରେ ଭିଡ଼ ଲାଗିରହିଥିଲା ।