ଭୁଶୁଡ଼ିପଡ଼ିଲା ୨୦ ବର୍ଷର ପୁରୁଣା କୋଠା: ୪ ମୃତ

ତେଲେଙ୍ଗାନା, ୩୦।୪: ତେଲାଙ୍ଗାନାର ୟାଦାଦ୍ରି-ଭୋଙ୍ଗିର ଜିଲ୍ଲାର ମନ୍ଦିର ନଗର ଯାଦାଗିରିଗୁଟ୍ଟାରେ   ଘଟିଯାଇଛି ଏକ ଅଭାବନୀୟ ଘଟଣା । ୨୦ ବର୍ଷର ପୁରୁଣା କୋଠାର ଏକ ଅଂଶ ଭୁଶୁଡ଼ି ପଡ଼ିବା କାରଣରୁ ୪ ଜଣଙ୍କର ମୃତ୍ୟୁ ହୋଇଛି ଓ ଜଣେ ଗୁରୁତର ଆହତ ହୋଇଥିବା ଜଣାପଡିଛି ।  ପୋଲିସର ସୂଚନା ଅନୁସାରେ ପ୍ରାୟ ୨୦ ବର୍ଷ ପୁରୁଣା ଏହି କୋଠାର ତଳ ମହଲାରେ ଦୋକାନ ଏବଂ ପ୍ରଥମ ମହଲାରେ ଘର ଥିଲା । ଯାଦାଗିରିଗୁଟ୍ଟାରୁ ଏହା ପ୍ରାୟ ୬୦ କିଲୋମିଟରରେ ଦୂରରେ ଅଛି । ପୋଲିସର ସୂଚନା ଅନୁସାରେ ଏହି କୋଠାର କିଛି ଅଂଶ ତଳେ ବସିଥିବା ଲୋକମାନଙ୍କ ଉପରେ ପଡିଯାଇଥିଲା । ଫଳରେ ୪ ଜଣଙ୍କର ମୃତ୍ୟୁ ହୋଇଛି । ଜଣେ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଖରାପ ଗୁଣବତ୍ତାରେ ନିର୍ମାଣ ଯୋଗୁଁ ଏଭଳି ଅଘଟଣ ଘଟିଥିବା  ପୋଲିସ କହିଛି ।