ପୁରୀ, ୫/୨: ସରସ୍ବତୀ ପୂଜା ଦିନ ପୁରୀ ଲୋକନାଥ ରୋଡ ସ୍ଥିତ ହରିଚଣ୍ଡୀ ସାହି ଠାରେ ନୂତନ ଭାବରେ ଏକ ଭବ୍ୟ ହୋଟେଲର ଶୁଭାରମ୍ଭ ହୋଇଅଛି । ହୋଟେଲ ଶୁଭଦର୍ଶନ ନାମରେ ନମିତ ଏହି ହୋଟେଲ ଶ୍ରୀମନ୍ଦିର ଠାରୁ ପାଦ ଚଲା ଦୁରତ୍ଵରେ ଅବସ୍ଥିତ । ୧୬ ଗୋଟି ରୁମ ବିଶିଷ୍ଟ ଏହି ଶୀତତାପ ନିୟନ୍ତ୍ରିତ ହୋଟେଲ ଶ୍ରୀମନ୍ଦିର ଦର୍ଶନ ପାଇଁ ଆସୁଥିବା ଶ୍ରଦ୍ଧାଳୁ ମାନଙ୍କ ନିମନ୍ତେ ଏକ ସୁନ୍ଦର ରହଣି ବ୍ୟବସ୍ଥା ପ୍ରଦାନ କରୁଛି । ବିଭିନ୍ନ ପ୍ରକାର ଅତ୍ୟାଧୁନିକ ବିଶ୍ବସ୍ତରୀୟ ସୁବିଧା ସହିତ ଉନ୍ନତ ଆସବାବପତ୍ର ସଜ୍ଜିତ ଏହି ହୋଟେଲ ଶ୍ରଦ୍ଧାଳୁ ମାନଙ୍କୁ ଆଖିଆଗରେ ରଖି ନିର୍ମାଣ କରାଯାଇଛି। କରୋନାକୁ ଆଖିଆଗରେ ରଖି ସ୍ଵଚ୍ଛତା ଓ ଦୁରତ୍ଵ ରକ୍ଷାକୁ ଏଠାରେ ବିଶେଷ ଗୁରୁତ୍ବ ଦିଆଯିବା ସହିତ ସମ୍ପୂର୍ଣ ଟିକାକୃତ କର୍ମଚାରୀ ମାନଙ୍କ ଦ୍ଵାରା ପରିଚାଳିତ ହେଉଅଛି । ଏହି ହୋଟେଲର ପ୍ରତିଷ୍ଠା ସରସ୍ବତୀ ପୂଜା ଅବସରରେ ଅନୁଷ୍ଠିତ ହୋଇଯାଇଛି । ବୈଦିକ ରୀତି ମୁତାବକ ଏକ ନିରାଡମ୍ବର ପ୍ରତିଷ୍ଠା ଉତ୍ସବରେ କରୋନା କଟକଣାକୁ କଡାକଡି ପାଳନ କରାଯାଇଥିବାବେଳେ ବହୁ ଗଣ୍ୟମାନ୍ୟ ବ୍ୟକ୍ତିବିଶେଷ ଯୋଗଦେଇଥିଲେ । ଏହି ଅବସରରେ ହୋଟେଲ ଶୁଭଦର୍ଶନର ମାଲିକ ଶ୍ରୀଯୁକ୍ତ ରାଜେଶ କୁମାର ସାହୁ କର୍ତ୍ତା ଭାବରେ ପୂଜାର୍ଚ୍ଚନାକରି ହୋଟେଲର ଶୁଭାରମ୍ଭ କରିଥିଲେ ।
