ରାଜଧାନୀରେ ଅଘଟଣ: ଘର ଭିତରୁ ୩ ମୃତଦେହ ଉଦ୍ଧାର

ଭୁବନେଶ୍ୱର,୨୮।୪:ରାଜଧାନୀ ଭୁବନେଶ୍ୱରରେ ଘଟିଯାଇଛି ଏକ ଅଭାବନୀୟ ଘଟଣା । ଗୋଟିଏ ଘର ଭିତରୁ ପରିବାରର ୩ ମୃତଦେହ ଉଦ୍ଧାର କରାଯାଇଛି । ଲକ୍ଷ୍ମୀସାଗର ଥାନା ଚିନ୍ତାମଣିଶ୍ୱର ଅଞ୍ଚଳରେ୧୫ ମାସର ଶିଶୁକୁ ହତ୍ୟା ପରେ ବାପା ମା’ ଆତ୍ମହତ୍ୟା କରିଥିବା ଅନୁମାନ କରାଯାଉଛି । ସୂଚନା ମୁତାବକ ଏକ ବନ୍ଦ ଘରୁ ଗୋଟିଏ ପରିବାରର ୩ଜଣଙ୍କ ଝୁଲନ୍ତା​‌ ମୃତଦେହ ଉଦ୍ଧାର କରିଛି ପୁଲିସ । ପ୍ରଥମେ ଶିଶୁକୁ ହତ୍ୟା କରିବା ପରେ ଉଭୟ ଦମ୍ପତି ଝୁଲିପଡ଼ିଥିବା ଅନୁମାନ କରାଯାଉଛି । ତେବେ ମୃତ ଦମ୍ପତିଙ୍କ ଘର ମହାରାଷ୍ଟ୍ରରେ ହୋଇଥିବା ସୂଚନା ମିଳିଥିବା ବେଳେ ମୃତ୍ୟୁର କାରଣ ଅସ୍ପଷ୍ଟ ରହିଛି ।