ରାଜକନିକା,୪/୩:କେନ୍ଦ୍ରାପଡ଼ା ଜିଲାର ପ୍ରତିଷ୍ଠିତ ଶିକ୍ଷାନୁଷ୍ଠାନ ଏସ୍ଏନ୍ କଲେଜରେ ଯୁବ ସଂସ୍କାର ଶିକ୍ଷାଦାନ ଆରମ୍ଭ ହୋଇଛି । ଅଧ୍ୟାପକ ଅଜୟ କୁମାର କୁଣ୍ଡଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ କଲେଜର ଅଧ୍ୟକ୍ଷା ପ୍ରଫେସର ଲିପିକା ପଟ୍ଟନାୟକ ଉଦ୍ଘାଟନ କରି ନୈତିକ ମୂଲ୍ୟବୋଧର ଅଧଃପତନ ହିଁ ସମାଜରେ ଯୁବପିଢ଼ିଙ୍କୁ କୁପଥଗାମୀ କରୁଛିି । ଏଥି ପାଇଁ ଯୁବ ସଂସ୍କାର ଶିକ୍ଷାଦାନର ଆବଶ୍ୟକତା ରହିଛି ବୋଲି ମତବ୍ୟକ୍ତ କରିଥିଲେ । ଅନ୍ୟମାନଙ୍କ ମଧ୍ୟରେ ଅଧ୍ୟାପିକା ସୁରେଖା ରାଉତ, ଅଧ୍ୟାପିକା ତୃପ୍ତିଲତା ରାଉତ, ଅଧ୍ୟାପକ ସଚ୍ଚିକାନ୍ତ ମିଶ୍ର, ଅଧ୍ୟାପକ ସଂଜୀବ କୁମାର ଦାଶ, ଅଧ୍ୟାପକ ଅନୁପ କୁମାର ମଲ୍ଲିକ, ପ୍ରଦୀପ କୁମାର ଦାସ ଏବଂ ଅଧ୍ୟାପିକା ଡ଼କ୍ଟର ମିଥିଲା ଦାସ ପ୍ରମୁଖ ଯୋଗଦେଇ ଯୁବ ସଂସ୍କାର ଶ୍ରେଣୀ ଶିକ୍ଷାଦାନ ଛାତ୍ରଛାତ୍ରୀମାନଙ୍କ ପାଇଁ ଏକ ସଂସ୍କାର ମୂଳକ ପଦକ୍ଷେପ ବୋଲି ମତବ୍ୟକ୍ତ କରିଥିଲେ । ଏହି କାର୍ଯ୍ୟକ୍ରମରେ ସମସ୍ତ ଅଧ୍ୟାପକଙ୍କ ସହିତ କର୍ମଚାରୀମାନେ ଉପସ୍ଥିତ ରହିଥିଲେ । ଅଧ୍ୟାପକ କେଶବ ଚରଣ ସେଠୀ ଧନ୍ୟବାଦ୍ ଅର୍ପଣ କରିଥିଲେ ।
