ନୂଆଦିଲ୍ଲୀ, ୩୦/୦୪: ଆଫଗାନିସ୍ତାନର ରାଜଧାନୀ କାବୁଲର ଏକ ମସଜିଦରେ ହୋଇଥିବା ବିସ୍ଫୋରଣରେ ମୃତ୍ୟୁ ସଂଖ୍ୟା ୫୦କୁ ବୃଦ୍ଧି ଘଟିଥିବା ବେଳେ ଏବେ ମଧ୍ୟ ୨୦ ଜଣରୁ ଅଧିକ ଗୁରୁତର । ଶୁକ୍ରବାର ରାଜଧାନୀ କାବୁଲର ଏକ ମସଜିଦରେ ଭୟଙ୍କର ବିସ୍ଖୋରଣ ହୋଇଛି । ଏଥିରେ ଅତିକମରେ ୫୦ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ତାଲିବାନର କହିବାନୁସାରେ, ଇସଲାମଙ୍କ ପବିତ୍ର ରମଜାନର ଶେଷ ଶୁକ୍ରବାର ଦିନ ଶତାଧିକ ଲୋକ ପ୍ରାର୍ଥନା କରିବା ପାଇଁ ଏକାଠି ହୋଇଥିଲେ ଏବଂ ଖଲିଫା ଆଗା ଗୁଲ ଜାନ ମସଜିଦରେ ପ୍ରବଳ ଗହଳି ଦେଖିବାକୁ ମିିଳିଥିଲା। ପ୍ରାର୍ଥନା ସମୟରେ ଏହି ବିସ୍ଫୋରଣ ହୋଇଥିଲା। ହଠାତ ସେହି ସମୟରେ ବିସ୍ପୋରଣ ହୋଇଥିଲା । ଘଟଣାସ୍ଥଳରେ ୫୦ଜଣରୁ ଅଧିକ ପ୍ରାଣ ହରାଇଥିବା ବେଳେ ୨୦ ଜଣ ଗୁରୁତର ହୋଇଛନ୍ତି । ଆହତଙ୍କର ଚିକିତ୍ସା ଚାଲିଥିବା ସୂଚନା ମିଳିଛି ।
