ମୁମ୍ବାଇ,୧୭/୦୪: ଚଳିତ ଆଇପିଏଲ୍ର ୨୮ତମ ଲିଗ୍ ମ୍ୟାଚ୍ରେ ଆଜି ସନରାଇଜର୍ସ ହାଇଦ୍ରାବାଦ ଓ ପଞ୍ଜାବ କିଙ୍ଗ୍ସ ପରସ୍ପରକୁ ଭେଟିବେ। ଅପରାହ୍ଣରେ ଏହି ମ୍ୟାଚ୍ ଖେଳାଯିବ। ଉଭୟ ସନରାଇଜର୍ସ ଓ ପଞ୍ଜାବ କିଙ୍ଗ୍ସ ୬ ପଏଣ୍ଟ ଲେଖାଏଁ ଅର୍ଜନ କରିଛନ୍ତି । ପଏଣ୍ଟ ତାଲିକାରେ ପଞ୍ଜାବ କିଙ୍ଗ୍ସ ଉପରେ ରହିଛି । ସନରାଇଜର୍ସ ପ୍ରଥମ ୨ଟି ମ୍ୟାଚ୍ ପରାଜିତ ହେବାପରେ ଜୋରଦାର ପ୍ରତ୍ୟାବର୍ତ୍ତନ କରି କ୍ରମାନ୍ୱୟରେ ୩ଟି ମ୍ୟାଚ୍ ଜିତି ସାରିଛି । ଶୃଙ୍ଖଳିତ ବୋଲିଂ ସାଙ୍ଗକୁ ଚମତ୍କାର ରଣନୀତି ବଳରେ ସନରାଇଜର୍ସ ବିଜୟ ଧାରା ଜାରି ରଖିଛି । କେନ ୱିଲିୟମସନ ଯୁବ ଖେଳାଳିଙ୍କୁ ସଙ୍ଗଠିତ କରି ଦଳକୁ ଆଗେଇ ନେଉଛନ୍ତି । ଦୁର୍ଦ୍ଦର୍ଷ ବ୍ୟାଟିଂ ପାଇଁ ପଞ୍ଜାବ କିଙ୍ଗ୍ସ ଚର୍ଚ୍ଚାରେ ରହିଛି । ତଥାପି ବୋଲିଂ ବିଭାଗରେ ଉନ୍ନତି ଆବଶ୍ୟକ । ଆଜି ପଞ୍ଜାବ ବ୍ୟାଟର ଓ ସନରାଇଜର୍ସ ବୋଲରଙ୍କ ମଧ୍ୟରେ ଅସଲ ଲଢେଇ ହେବ । ବିଶେଷ କରି ଫାଷ୍ଟ ବୋଲର ଉମ୍ରାନ ମଲିକ୍ ନଜରରେ ରହିବେ । ସେ ନିୟମିତ ଭାବେ ୧୫୦କିଲୋ ମିଟର ବେଗରେ ବଲ୍ ପକାଉଛନ୍ତି ।
ପଞ୍ଜାବ କିଙ୍ଗ୍ସ: ମୟଙ୍କ ଅଗ୍ରୱାଲ୍ (ଅଧିନାୟକ), ଶିଖର ଧାୱନ, ଜନି ବେୟାରଷ୍ଟୋ, ଲାଏମ ଲିଭିଙ୍ଗଷ୍ଟୋନ, ଜିତେଶ ଶର୍ମା, ଶାହରୁଖ ଖାନ, ଓଡ଼ିନ ସ୍ମିଥ୍, କାଗିସୋ ରାବାଡା, ରାହୁଲ ଚହର, ବୈଭବ ଆରୋରା, ଅର୍ଶଦୀପ ସିଂହ ।
ସନରାଇଜର୍ସ: ଅଭିଷେକ ଶର୍ମା, କେନ ୱିଲିୟମସନ (ଅଧିନାୟକ), ପ୍ରିୟମ ଗର୍ଗ, ନିକୋଲାସ ପୂରନ, ଆଡେନ ମାରକ୍ରମ, ଶଶାଙ୍କ ସିଂହ, ଅବଦୁଲ ସମଦ, ମାର୍କୋ ଜାନସେନ, ଭୁବନେଶ୍ୱର କୁମାର, ଟି ନଟରାଜନ, ଉମ୍ରାନ ମଲିକ ।
