ପୁରୀ ୦୩/୦୪: ସୋମବାର ଶୁକ୍ଳ ଦ୍ୱିତୀୟା ତିଥିରେ ଶ୍ରୀମନ୍ଦିରରେ ମହାପ୍ରଭୁଙ୍କ ଖସାପଡ଼ା ନୀତି ଅନୁଷ୍ଠିତ ହେବ । ଏଣୁ ସେଦିନ ଅପରାହ୍ଣ ୪ଟାରୁ ରାତି୮ଟା ପର୍ଯ୍ୟନ୍ତ ସର୍ବସାଧାରଣ ଠାକୁର ଦର୍ଶନ ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ସୂଚନା ରହିଛି । ଶ୍ରୀବିଗ୍ରହଙ୍କ ଶ୍ରୀଅଙ୍ଗ ସୁରକ୍ଷା ପାଇଁ ଏହା ଏକ ଗୁପ୍ତ ନୀତି । ଠାକୁରଙ୍କ ଦ୍ୱିତୀୟ ଭୋଗମଣ୍ଡପ ନୀତି ସରିବା ପରେ ଏହି ନୀତି ହୋଇଥାଏ । ଦଇତାପତି ସେବକମାନେ ଗୋଷ୍ଠୀଗତ ଭାବେ ଶ୍ରୀବିଗ୍ରହଙ୍କ ଉକ୍ତ ସେବା କରିଥାନ୍ତି । ପରେ ସିଂହାସନ ଧୁଆ ସରି ଠାକୁରଙ୍କ ମହାସ୍ନାନ ବଢ଼ିବ । ପରେ ଯଥାବିଧି ପୁନଃ ଠାକୁର ଦର୍ଶନ ଆରମ୍ଭ ହେବ ।
