ଭୁବନେଶ୍ୱର, ୧୮/୨ :ଭୁବନେଶ୍ୱରରୁ ୨ ଜଣ ନକଲି ପୋଲିସ ଗିରଫ। ପୋଲିସ ପରିଚୟ ଦେଇ ଯୁବକଙ୍କ ଠାରୁ ଲୁଟୁଥିଲେ ଟଙ୍କା । । ଏହି ଘଟଣାର ୨ ଜଣ ନକଲି ପୋଲିସ ଗିରଫ ହୋଇଛନ୍ତି । ଗିରଫ ୨ଜଣଙ୍କ ମଧ୍ୟରେ ଜଣେ ହେଉଛନ୍ତି ଅବସରପ୍ରାପ୍ତ ପୋଲିସ୍ ଏଏସ୍ଆଇ ଜ୍ଞାନ ରଞ୍ଜନ ମହାନ୍ତି । ଅବସର ପରେ ନକଲି ପୋଲିସ ଅଫିସର ପରିଚୟ ଦେଇ ଲୁଟ କରୁଥିଲେ । ସେ ତାଙ୍କର ଜଣେ ସହଯୋଗୀଙ୍କ ସହ ୮ହଜାର ଟଙ୍କା ଲୁଟିଥିବା ଅଭିଯୋଗରେ ଗିରଫ ହୋଇଛନ୍ତି । ସ୍ପେଶାଲ ସ୍କ୍ୱାଡ କହି ଯୁବକଙ୍କୁ ଧମକାଇ ୮ହଜାର ଟଙ୍କା ଲୁଟିଥିବା ସୂଚନା ମିଳିଛି । ଏନେଇ ଲିଙ୍ଗରାଜ ଥାନାରେ ଅଭିଯୋଗ ହୋଇଥିଲା । ପରେ ପୋଲିସ ଘଟଣାରେ ଛାନଭିନ ଆରମ୍ଭ କରିଥିଲା । ଆଜି ଉଭୟଙ୍କୁ ଲିଙ୍ଗରାଜ ଥାନା ପୋଲିସ ଭୁବନେଶ୍ୱରରୁ ଗିରଫ କରିଛି ।
